上水石湖墟街市扶手電梯「有等於冇」。譚女士指出，街市內的扶手電梯約於兩個月前停用，至今仍未完成維修，對使用者構成不便，「去街市買餸嘅唔係老人家就係主婦，個個都一袋二袋，有時仲拖住啲細路，又上又落真係好辛苦。」譚指早前曾目睹有長者行樓梯時因滑倒而受傷，不滿政府部門維修效率欠奉。
北區區議會主席蘇西智亦指食環署處事有欠積極，效率難以接受，「香港咁先進，點可以話畀人知整部電梯兩個月都搞唔掂。」蘇認為食環署必須嚴格監管承辦商，要求於特定限期內完成維修，一旦未能達標便需更換承辦商，以作懲處。
食環署發言人指出，有關扶手電梯於六月底因零件意外損毀而暫停使用，由於維修工程複雜，機電工程署預計須於八月中才完成維修，該署亦張貼告示，提醒市民要小心上落樓梯。