法庭相見無交流

梁劍豪離開法庭，坐在法庭會議室的陳振聰望見梁時，面無表情。梁在庭外指，有關講義是他於九○年九月至九一年六月，於振業興隆堂上課時的筆記，講義封面註明由三方面合編，其一是振業興隆堂即陳振聰，至於為何講義上無陳的名字，梁稱：「點解唔用佢個名你要問番佢。」第二方面是梁本人，「我只係負責記錄，所有內容都係陳振聰獨家祖傳嘅。」而第三方面則是負責印刷的梁文勝。

梁稱，當年自己完全不諳風水，參加陳振聰的風水班是由一位知名堪輿學家介紹，「基本上當時佢所有學生一出嚟就去讀陳振聰個班啦，開始時無講義，只係響酒樓、屋企上堂，後來我開始記錄，發現佢有呢方面天賦。」

「咩為人無咩好講」

他說當時陳教授風水、佈局和氣色，「到九一年六月我就離開，因為我知道呢套嘢係咩。風水有分術同數，我鍾意數唔鍾意術，佢要殺雞灑血燒美金，從此我就離開，無再同佢交往。」梁又指，陳開風水班無理由會出現不懂風水的說法，「佢咩為人無咩好講吖，至於佢叻唔叻就非常難下判斷。」

梁說，見過陳的風水班做殺雞、燒美金和開金井即掘窿，當年梁亦有份參加澳門總督府的活動，但梁稱：「不過目的我唔清楚。」人稱「劍叔」的梁劍豪，曾任職電視台，作品包括劇集《天機算》，退休後鑽研風水並撰寫風水八字書籍。