一年一度德國慕尼黑啤酒節Oktoberfest啱啱過咗，但啤酒節話明係「十月的節日」，冇理由咁快畀佢完。飛唔到去德國飲盧雲堡，又或者返工揸車唔方便飲兩杯都唔緊要，上App Store都搵到啲好搞嘢嘅免費啤酒Apps，畀你隔空互相斟啤酒之餘，仲可以鬥快開啤酒，邊玩邊鋸德國豬手就最應節啦！
撰文：布偉倫
售價：免費
自斟自飲啤酒都幾冇癮，呢個iPhone App就可以對應無線傳輸技術，同朋友大搞Beer Party。經無線連接後，其中一部iPhone會變成一支啤酒，另一部就會變成啤酒杯，可做出斟酒動作替朋友添酒，作狀舉起iPhone「乾杯」又幾有趣。
售價：免費
無聊啤酒App仲有這個《Beer Shaker Free》，今次唔係斟酒，而係鬥快開啤酒，開得愈多就愈高分。但冇開瓶器又點開酒呢？關鍵就係將部iPhone上下狂Fing，用啤酒泡谷爆樽蓋，不過在真實環境下就唔好用呢招啦！
售價：免費
開啟《Beer Belch!》後，只見到一個德國佬拎住啤酒杯，一按紅色飲酒掣，佢就會飲啖啤酒然後打嗝，仲有3種唔同Level的打嗝效果。究竟佢想表達啲咩？畀大家體驗吓巴伐利亞（德國東南部）文化咁話喎。