Jessie Leong懷囡五月keep住瘦

久未露面的模特兒梁善棋（Jessie Leong），原來造人成功，現懷有五個月身孕，腹中塊肉是女嬰，預產期為八月。昨日她腹大便便出席上海灘時裝show，問到懷胎感覺？Jessie笑說：「其實我同老公一直都想有BB，不過大家都好忙，所以結婚兩年後先有，我最驚就係痛，所以會選擇開刀生，應該喺瑪麗醫院。」

原籍新加坡的Jessie ，笑言想BB女取得香港身份證，故選擇在香港生育。現場所見，Jessie仍然一副纖瘦身材，她笑說：「我依家只係重咗4公斤，不過醫生話我遲吓會肥多啲，頭三個月胃口唔好，不過我都有逼自己食多啲嘢！」她又謂閒時會多唸佛經，祈求心靈平靜。