任達華峰頭媲美琦琦
任達華與琦琦夫妻檔搵真銀，為華仔代言的品牌拍廣告，二人分別低胸上陣騷哥利。琦琦笑言二人孖住工作是另類拍拖方式，而華仔在拍攝期間對愛妻相當照顧，教她擺甫士之餘又不時逗她笑！
身為卡士蘭代言人的任達華，早前拍攝其中一系列肝美健廣告，以多個不同造型示人，還邀請太太客串。當中琦琦以大Deep V晚裝裙上陣，迎戰騷胸肌的老公。
講歪音惹笑
華仔在拍攝期間不時教愛妻擺甫士，他笑言：「唔係話教，只係我知邊個位佢做咩會啱啲，所以我講1234時都刻意講歪啲音逗佢笑。」而對於其主演的電影《歲月神偷》揚威柏林影展，華仔坦言一部戲能感動到不同國籍及年齡的人士，這才最值得高興。
琦琦和老公拍住上拍廣告，笑言是另類拍拖方式，問她酬勞是否不俗？她就說：「個廣告係華仔代言，拍得好開心，所以一叫我拍，我都即刻應承。」
蘭桂坊迷路
廣告其中一幕是在蘭桂坊一間餐廳進行拍攝，琦琦和華仔跟一班朋友在餐廳內歎酒吃飯共聚。由於琦琦向來滴酒不沾，故以有氣梳打水代替，華仔的杯內則是忌廉汽水。在臨時演員中，其中一位原來是華仔的fans。華仔說：「世界真係細！佢話睇過我好多港產片，好喜歡我，話估唔到今日會見到我，所以決定搬嚟香港住喎！」華仔又指該演員問他是否常來蘭桂坊時，他自爆曾在蘭桂坊迷路：「我真係好少嚟，又唔會出嚟飲嘢，所以我嚟時都迷咗路，搵咗十五分鐘先搵到。」
文：名人組