「八模兵團」之一的陳嘉寶（Anjalia），出席內衣騷時自嘲冇身材，又說還是單身一族冇人追，自認眼角低，擇偶條件更低，只要與對方啱feel又是個好人便行，她更公開求偶，希望有緣人「快啲埋嚟」，速速墮入愛河！

新「邦民女」又是「八模兵團」之一的Anjalia，昨日為內衣品牌PEACH JOHN假尖沙咀新港中心行內衣騷，同場的外籍模特兒示範性感bra，火辣香艷，Anjalia卻「封胸」示範可愛少女睡衣，之後又以一襲吊帶睡衣登場，大晒香肩及大腿，同樣誘人。

現場的外籍女模示範性感內衣，睇頭十足！	放大圖片	Anjalia示範可愛少女睡衣。

自言騷後要返學的Anjalia會專注學業，盡量安排課餘才工作，對首次行內衣騷心情緊張，因事前不知會演繹甚麼款式的內衣。

會試Push up bra

問她會否試演繹大膽內衣？Anjalia說：「我底線係Tube top同短褲，人哋覺得我唔係最適合。（係咪幾多錢都唔得？）首先我冇身材，客人都覺得我唔會亦唔係太適合，始終『妹妹』啲會適合我多啲。」至於會否買Push up bra令身材更有睇頭？Anjalia大賣口乖說：「試吓都好，一陣試啱就買。我好貪靚，唔同內衣可以襯衫，見到靚都會忍唔住買。」

有緣人快啲埋嚟

目前Anjalia沒有追求者，她說：「要公開徵求，我眼角好低，好人就得，老土啲講句要啱feel，有緣嘅快啲埋嚟啦！啲人話讀大學實有拖拍，都呃人嘅，但都見到同學有拖拍。」她又說幸好情人節和年初一是同一天，眼見人人有花收，她自嘲也有：「屋企都有桃花。」

文：名人組