姚予晴（Mikki）、汪圓圓與玄學家李丞責主持網上遊戲網站《與星談程》節目，分析十二生肖於虎年的運程。李丞責表示Mikki耳仔不夠大，應該是童年較揀飲擇食，故要留意中年健康問題，至於Mikki在虎年的姻緣，李丞責表示：「你都幾着重婚姻，幾想嫁人，整體嚟講都會搵到心水對象，但你性格強，有時唔好咁恰人好啲。」

談到圓圓的運程，李丞責則指她先天條件好，受過高等教育，但若繼續做娛樂圈，則不要太執着：「我睇你係有才華同學問，畀啲心機，應該可以喺多方面發展。」

圓圓再追問今年會否有拖拍，李丞責就表示：「你有原則，分析性高，睇嘢太清楚，變咗不太投入感情事，可能要近三十歲先談婚論嫁。」