城中的靚女攝影師戴妮廷自爆去年中為曾傳緋聞的陳奕迅（Eason）和謝安琪（Kay）操刀影相時，因二人默契十足，故反問他們會否怕傳出緋聞，不過Eason就未有被大倒，展示婚戒後任影唔嬲，Kay更將手搭Eason肩上合照，毫無芥蒂。

前晚，戴妮廷舉行以愛為主題的慈善攝影展，展出十二幅作品作慈善拍賣，除有一眾名模充當照片主角外，大會更以幻燈片形式播放Eason與Kay及Twins的絕密合照。是晚戴妮廷獲好友如名模莊思敏、韓君婷、陳見飛、Kee Club太子女龍殿兒與胞弟等撐場，當中以帶同緋聞男友王傲山到場的李彩華（Rain）最為矚目。

十二張展覽照主角之一的陳見飛前晚亦有盛裝到場。	韓君婷站在戴妮廷的性感照前留影，艷光相輝映。	Rosemary

對於Eason與Kay的照片成為焦點，戴妮廷解釋：「呢輯合照係十個月前幫一本雜誌影嘅，其實佢哋真係非常有默契，雖然兩個都已婚。我見佢兩個咁有默契，仲反問Eason驚唔驚傳緋聞，佢即騷婚戒，仲話隨便影無問題。」Eason此言一出後，拍檔Kay隨即大方把手放在Eason肩上擺甫士合照，全無芥蒂。

Twins	（黑白圖片）	Eason與Kay的搭膊照盡顯二人默契十足。

Rain避談戀事

至於以拖友姿態受訪的Rain和王傲山，被問到是否公開關係時，王傲山回應得相當忸怩：「今日絕對可以公開嘅係，只要Rain做善事，一定支持，（係咪支持女友？）你哋自己諗，朋友男女都有。（你哋係咪拍拖？）拍拖嘅定義係咩？」及後，拿着咪的王傲山扮主持反問女友：「點呀？」Rain甜笑着大發嬌嗔：「我好驚呀！」公然打情罵俏。王傲山又指着照片中與Rain合照的狗仔說：「同隻狗一樣好好。」但就繼續避談對Rain的愛意。

陳見飛護愛苗

同場的陳見飛則透露有追求者，並自爆情人節已有約：「約咗個男仔，係有追求者，都可以做到男朋友，佢係開餐廳嘅！」不過講到對方的身份，陳見飛為護愛苗拒絕透露：「唔想講咁多，唔想講咗就冇。」

文：名人組