絲絲講場：商學精英鬥法 獻計搞好飛機餐
培育商業領袖有好多方法，但一定唔少得實踐經驗。花旗已經第8年贊助國際案例分析比賽，目的就係為大學生提供一個實習平台，將所學應用到現實商業環境。今年總共有19隊來自10個國家及地區嘅大學隊伍參加，包括來自內地嘅汕頭大學及清華大學，當然唔少得香港嘅科技大學，而冠軍就由加拿大西安大略大學奪得。
花旗第8年贊助比賽
今次比賽係要喺26個小時內，構思及提出創新商業方案，以解決國泰航空飲食服務（CPCS）所面對嘅策略性及管理難題。點解揀國泰航空飲食服務嚟做案例？係因為佢哋每日供應8萬份膳食予超過30家航空公司，夠晒規模。
花旗集團香港區行長章晟曼話，國際案例分析比賽喺○三年創辦，透過邀請各地知名商學院嘅精英學生來港參賽，進行學術及文化交流，呢項賽事亦加強香港作為國際金融和教育中心嘅地位。香港科大商學院院長鄭國漢話搞呢個比賽，給予學生寶貴嘅學習機會及跨文化交流平台。
余絲韻