期指觀瀾：10日線為短期支持

內地九月份CPI升幅3.6%，稍高於八月的3.5%，完全不算意外，自人行周二突然加息四分一厘後，市場擔心九月通脹有噴井式上升，市場的預測已紛紛由3.5%-3.6%調升至3.7%-3.9%，相信唔少人同筆者一樣，對意料之外的加息，和CPI的關係諗多咗。由尋日數據，中國應該無迫切加息需要，人行此舉，有可能只為配合調控樓價升得太急太快的措施。

尋日港股走勢都算蠱惑，恒指兩次假突破上試23,730點不果，收市回順到23,649點，升92點，即市低位23,450點，剛剛和10日線23,477點相當接近，市況擺出一幅升唔上，跌唔落的悶局情況，可是一連兩日試10日線，最後收市都企穩樓上，短炒者可視之為即市支持，一旦跌穿恒指有機會回試番23,099點水平。

整體而言，港股大漲小回的格局未變，尤其中國未必連續地加息，好倉客可以先放下心頭大石，筆者依然傾向看好後市，當然，在嚴重的超買下，不作出一定的止蝕位作保險，是盲目兼愚蠢的行為，故23,565點揸的好倉，繼續以23,450點作為止蝕。

John Mullen

跨媒體地產網新居入伙 幾萬個精選樓盤 歡迎睇樓！

Money18新功能「18好路數」為你預測心水股票升跌機會率

Money18更多即時港股指數資訊