絲絲講場：李鴻斌做老竇 夜晚冇覺好瞓

每個父母都想望子成龍，大學畢業後不久就升任基金經理嘅李鴻斌直言，「唔要求個仔將來入讀國際學校，又或者從事金融業，只希望佢長大後有『Hunger』（欲望）嘅心，並唔係『Greed』（貪心），而且唔係對金錢嘅渴求，而係樂於做慈善。正如我捐錢建學校，幫助內地嘅小朋友有書讀，我都想自己個仔長大後會樂於助人。」

港股年底前料調整

絲絲當然亦有問佢對大市嘅睇法，佢話近期港股升得太急，唔係咁樂觀，歐美經濟環境與兩個半月前冇太大分別，加上依家香港市場批股太多，情況類似○七年高峰期前，估計今年底前大市會出現調整。