19/02/2010

播放本新聞相關短片
查詢股票編號

絲絲講場:沃爾克82歲再做新郎

現為美國奧巴馬總統身邊「紅人」、全力限制華爾街大行進行投機活動嘅聯儲局前主席沃爾克(Paul Volcker),在高齡82歲再做新郎,上個禮拜迎娶為其工作達20年嘅助手Anke Dening為妻,還搵來好友兼美國上訴法庭法官Katzmann證婚添!

在上世紀八十年代掌聯儲局嘅沃爾克,向以強悍見稱,當時便以高息控制通脹,現為白宮高級經濟顧問嘅沃爾克,近期又因協助奧巴馬限制投行嘅坐盤交易而人氣急升。

妻子任助理達20年

不過,早於去年底已與Dening訂婚嘅沃爾克,今次婚禮就低調得多,上周婚禮只在紐約嘅法院內舉行,當中除證婚嘅好友法官外,獲邀嘅嘉賓只有與沃爾克相識過60年嘅紐約大學經濟學教授Robert Kavesh及其太太。沃爾克與太太結婚後會到美國維珍群島度蜜月。

沃爾克與Dening早於一九八七年已認識,當時沃爾克剛離開聯儲局及加入Wolfensohn擔任主席,Dening當時則出任其助理,展開長達20年嘅賓主關係。而沃爾克嘅前妻巴巴拉則於一九九八年過身。

余絲韻