本文重點
新正頭當然唔少得派利是，上年底拉埋天窗嘅花旗香港環球個人銀行服務行政總裁及總經理Weber盧韋柏第一年派利是，但佢話今年唔會為派幾多錢利是設預算，總之大家高興就得，呢位老細幾疏爽！
走訪分行做財神
Weber呢類老細級人馬，不嬲都會派開工利是，不過佢結咗婚後出席拜年活動，當然就要帶定多啲利是派畀人啦！佢仲話今年無避年，足足團拜咗三日，第一日開工見佢精神煥發，就知佢新年一定過得好開心喇！
Weber第一日返工仲孖住財神爺，親自走訪尖沙咀三間分行向員工派利是，送上好運同祝福，一班員工同一時間見到老細又見到財神，當然個個笑到見牙唔見眼！
虎年大家當然唔想做到咁辛苦啦，Weber亦深明此道，年初七就會同太太飛日本一個星期，工作表現好之餘，又識歎世界，真羨煞旁人！
余絲韻