聯儲局維持利率不變，雖然消息並唔意外，但卻為本地地產以及金融股帶來炒作藉口，以致港股尋日一開市就收復番18,000點失地，恒指最終全日升382點。內銀股買盤強勁，建設銀行（00939）更加成功重上6元樓上，勢頭認真唔錯。
之不過，其實除咗金融同本地地產股外，內房股昨日亦錄得不俗升幅，好似沿海家園（01124）便升12.3%，收報0.73元。不過，其他股份則個別發展。好似早前升得較多的股份，即使有反彈，於尾市時段亦見回落，而二三線股亦非隻隻都有睇頭有追捧，所以都係建議繼續炒股唔炒市。
講番市場消息，內地有消息指，商務部已經制訂好汽車以舊換新實施細則的初稿，現階段只待相關部門批准後便會出台。據知，該細則將簡化以舊換新的操作程序、並且縮短消費者獲得補貼的時間。有市場人士更認為，該項補貼範圍或全面擴大至中、輕、微型載貨車和部分中型載客車，故此次細則出台，或有利推動相關汽車市場，值得注意喇。
（小尾）