做開成衣、紡織品及手提電腦袋生產，又有從事物流服務嘅聯泰控股（00311），一向為名牌波鞋及成衣做代工，產品做好當然要搵地方擺放。
興建費3400萬
尋日聯泰出咗份通告，話佢哋會喺美國關島嘅塔穆寧（Tamuning）興建一座倉庫，花費大約436萬美元（約3,400萬港元），會由銀行融資及內部資源支付。
用成三千幾萬興建呢個倉庫，聯泰當然話有實際需要啦，呢個預期喺明年初竣工嘅新倉庫，建築面積約3.56萬平方呎，將會起喺關島機場毗鄰，公司話新倉庫將提供額外倉儲空間，包括溫度調控倉庫，供集團喺關島嘅日常及一般業務過程中使用咁話。
余絲韻