鍾嘉欣擔心馬航日日祈禱
鍾嘉欣昨日與許廷鏗出席活動，期間嘉欣BB獲男方細心「捽手仔」卸妝，令摸到女神玉手的許廷鏗如小鹿亂撞。剛從溫哥華回港的嘉欣透露朋友的爸爸在失蹤馬航客機上，祈禱能早日尋回失蹤客機。
無綫藝人鍾嘉欣及歌手許廷鏗（Alfred）昨日到沙田出席shu uemura植村秀新產品發布活動，Alfred奉旨幫嘉欣BB「捽手仔」卸妝，獲女神大讚溫柔：「好enjoy，直頭可以舒服到瞓着。（男友伍允龍唔幫你按摩？）唔講呢啲嘢。」Alfred 則笑言不敢亂摸女神：「第一次幫女仔卸妝，雖然只係摸到隻手，都係女神。（唔可以亂摸？）梗係啦！」
休息唔夠皮膚差
嘉欣BB自爆剛從溫哥華探親回港：「一年冇返去，今次係入行十年第一次同爸爸、哥哥過生日。」前一晚才返港的她表示受時差影響，休息不足擔心影響皮膚。提到馬航失蹤客機，問她擔不擔心坐飛機？嘉欣BB透露有朋友的爸爸在該班航機上，令她非常擔心。她謂：「我每日都好擔心同祈禱可以盡快搵番架機，因為我朋友嘅爸爸都喺機上面。（有冇安慰朋友？）仲未搵番，冇必要日日提。」
織頸巾贈「情人」
白色情人節將近，嘉欣笑稱會送頸巾給「情人」。她甜笑謂：「我好快又會再去探我嘅前世情人（爸爸），仲會織頸巾畀佢。佢嫌我平時成日做嘢忽略咗佢，想做番個孝順女。以前認為賺錢畀好生活屋企就夠，依家希望可以同爸爸分享番多啲經歷。（唔回禮畀男友伍允龍？）理咗爸爸先！」
另外，Alfred笑指粉絲是他的情人，希望收到好sweet但不會食肥人的禮物，似暗示各位粉絲要識做。
文：影視組