關楚耀復出騷有衞詩撐
關楚耀（Kelvin）明天舉行個人復出音樂會，他昨日接受電台訪問時表示，對音樂會相當期待，並謂已經邀得Mr.擔任嘉賓，他說：「張敬軒到時嚟睇，（契爺譚詠麟？）有叫呀，但唔知佢得唔得閒。（向你訓話？）契爺叫我努力啲，做音樂會要準備充足，我都有兩年冇開過音樂會。」至於有否邀請舊愛衞詩捧場？他說：「有嘅，但佢應該唔嚟，知道佢都支持自己。」另他昨晚出席抗毒音樂會時說：「毒案後第一次出禁毒騷，以過來人身份分享，畀大家借鏡。（仲有冇人引誘吸毒？）冇，身邊朋友支持復出。」
同場的李克勤對有傳四大唱片獲無綫解禁，笑說：「點解？收唔到風。（上亞視？）等公司安排，依家上BBC、CNN都得，但問我本人血濃於水，始終希望返嗰度，但宣傳長貧難顧。」
