黃文意童星變咪神 F cup彈出
無綫旅遊節目《3日2夜》向來大受網民歡迎，皆因節目盛產不少「咪神」，位位都比堅尼上陣玩濕身！最新一集就已成功彈出娛樂台主播出身的鄺潔楹（Judy）和黃文意（Mandy）為新一任咪神接班人，當中Mandy更以34F「最強Body」獲封為童顏巨乳系女神！
前晚播出的《3日２夜》，主持人鄺潔楹（Judy）帶大家去到台中旅遊，更以三點式出浴浸溫泉，露出32C、24、33的均勻身材，加上甜美笑容，輕易俘虜一眾男性網民！Judy笑言：「平時身材冇咁豐滿，我係B cup，咁啱月經過後，所以timing好重要！對於網民反應咁大好驚喜，哥哥都笑我咁嘅身材都有網民起底。」她又回想拍攝時的趣事：「我去咗個動物園，嗰度有好多狒狒，佢哋會喺架籠車度屙尿，結果啲尿彈落我大髀，真係好親親大自然。」
3歲與吳鎮宇合作
至於在預告片中，穿上鮮色三點式的Mandy亦同樣吸睛，雖然她主持的集數未正式見街，但已憑34F、25、37的「最強Body」獲網民賜封為童顏巨乳系女神！現年24歲的Mandy童星出身，３歲已跟吳鎮宇等人合作拍攝，如今搖身一變成為新一代咪神，Mandy對此表現雀躍，還自爆人生首次穿比堅尼：「我冇着過去沙灘，係臨去拍前兩星期先收到通知，因為係冬天，我買唔到泳衣，問朋友借又唔啱Size，結果要專登摷個倉先搵到。」Mandy又擔心身材不夠師姐們fit：「我已經盡咗力，師姐佢哋有馬甲線，都係攝影師角度好先影得我身材咁好。」
監製讚口齒伶俐
而親手打造這個「神」級節目的監製張志明，指Judy和Mandy只是其中的後起之秀：「呢個節目仲有好多人才，不過希望大家唔好只係留意佢哋身材，都要留意佢哋口才，佢哋係主播，口齒伶俐，好多稿係自己度，唔使寫埋畀佢哋。」
文：專案組