許廷鏗開騷壯sing威 拒咀老闆

歌手許廷鏗(Alfred)將於十二月廿八日假九展Star Hall舉行處男個唱《許廷鏗時光演唱會2013》,昨日他西裝骨骨出席記者會,星煥老闆何哲圖(Herman)及無綫高層樂易玲現身捧場,由於Herman今日(25)生日,Alfred特別送上蛋糕,當記者要求Alfred吻賀老闆時,他竟以「錫唔落」婉拒,並解釋:「場面好尷尬。」

請公園男睇騷

問到是否愛在公園暗角咀人?曾被拍得與男子在公園「咀嘴」的Alfred尷尬說:「錫喺心就得喇。」問到會否邀「公園男」睇騷?他說:「好多朋友、同學都會請。」對於無綫新成立「星夢娛樂」,Alfred說:「知道。(有傳鄭俊弘踢走你做一哥?)係咩?最緊要做好本分,唔怕比較。」

全民投票競爭

今月底榮升星夢娛樂行政總裁的Herman透露計劃明年的開放平台,畀所有歌手作良性競爭,他說:「冇無綫歌星約嘅歌手都可以上榜,因為係全民投票。(四大歌手都可以參與?)係。」而樂易玲坦言無綫沒有黑名單,並表示經常見到黃日華,還主動提起艾威。

文:音樂組