楊受成抱不平 撐成龍愛助人
成龍在美國發表「世界大同互愛精神」講話，竟被斷章取義曲解為「幸災樂禍」，成龍好友楊受成接受本報訪問時，指成龍向來熱心助人，但因表達問題而遭人誤會，他強調成龍說話出於好意，希望各界別冤枉好人；而秋生亦力撐成龍諗嘢有哲理，不過就需要一個文膽。
成龍日前在美國接受外國記者訪問，談到自己喜歡看到各界發揮守望相助精神時，由於言語溝通問題，結果言論被指幸災樂禍，引發軒然大波。
本報昨日致電成龍好友楊受成，對於成龍一番言論引起外界誤會，他替成龍感不值，他說：「成龍講嘢係唔叻，但佢本意好善良，呢次只不過係佢講得唔好，佢意思係當世界各地有災難，世人都會無分國籍、膚色，熱心幫忙，佢樂於見到呢種災難面前，世人樂意伸出援手參與救援，發揮人類團結、互相幫助精神嘅情況，而唔係外界所誤會咁，鍾意見到海嘯同地震，佢當然唔開心睇到海嘯同地震！」
說話出於好意
楊受成又贊同黃秋生對成龍言論的理解，他說：「我贊成黃秋生所講，成龍本身意思係覺得大家無事無幹，就各家自掃門前雪，要有事先會團結。我識咗成龍咁多年，我感受到佢嘅熱心，佢係個樂於助人嘅好人，我覺得成龍呢番話出於好意，佢意思係希望大家唔好有事至團結，患難先見真情。平時無事無幹，大家都應該團結！」
文：影視組