惠英紅沖涼任（目及）：覺得好委屈
惠英紅和錢小豪再度合作，演出麥浚龍執導的新片，二人大嘆拍攝過程苦不堪言，紅姐更透露要在沒有門的公眾洗手間以膠水喉沖凍水涼，坦言感到委屈。
影后惠英紅與錢小豪相識多年，廿多年未有合作，因麥浚龍執導的新片《殭屍》而再走在一起。惠英紅坦言收到劇本時，知道錢小豪有參與便一口答應，她說：「睇完個劇本，知道個故事圍繞住佢發展，大家都係動作演員出身，見到佢今次有好大演技發揮機會，戥佢好開心，見到一個老友有機會畀觀眾見到佢係實力派。」
錢小豪亦坦言有惠英紅演出是他首肯接拍的主因，他說：「雖然拍攝過程好辛苦，但可以同小紅、鮑姐、吳耀漢等人合作，令我覺得好值得。」他表示需要全身被特製膠水黏着：「你成日都唔可以坐低，身體每個部位都黏住晒，連下體亦難逃一劫。」
全身被潑上血漿
惠英紅指有場戲在荒廢街市取景，現場有一股好臭嘅味道，她說：「我全身都被潑上血漿，拍完我以為要繼續喺度等，我等咗兩個鐘先知道要換番時裝，但係現場又得一個冇門嘅洗手間，只得兩個工作人員為我睇水，我要用條膠水喉沖凍水涼，連番梘都冇，咁大個女第一次，覺得好委屈。後尾睇番個playback又拍得好好，咁都算啦。」
導演麥俊龍決定起用錢小豪，竟將他的生平「大起底」以了解他的為人，再在劇本上落墨，錢小豪說：「導演好認真，做足資料搜集，佢要知道晒我過去，拍過乜嘢，仲問我拎啲童年照畀佢了解，我同佢講咗好多心路歷程，好讓佢再喺劇本改動。」
文：影視組