陳奐仁做Live噏錯嘢面都紅
新加坡籍歌手陳奐仁(Hanjin)雖然來港發展多年，但他就笑言自己的廣東話認真「麻麻」，更不時因此鬧出笑話，談到最（火羅）的經歷，Hanjin自爆可算是早年擔任「香港先生選舉」的司儀時「唔覺意」講錯說話，令到拍檔Do姐（鄭裕玲）哭笑不得。
Hanjin用「唔鹹唔淡」的廣東話鬼馬地說：「我記得當時候係做緊香港先生嘅Live，我好專心咁望住鏡頭等roll機，當PA一示意我就好流暢咁講：『歡迎大家收睇香港先生舉選』。」他表示當時還未發現有錯，接着Do姐就「忍唔住」說：「係選舉。」Hanjin坦言：「節目做Live，我當下當然面都紅晒，而且接唔到對白，全港觀眾睇住我面紅，認真（火羅）！」
