黎耀祥呻苦：接錯劇
黎耀祥與張可頤在新劇中原以為可輕輕鬆鬆，誰知危險動作戲連場，祥仔笑言接錯劇，可頤則大叫刺激，不過二人都對劇組的安全措施大有信心。
祥仔和可頤日前凌晨在元朗大棠為新劇《法證先鋒Ⅲ》拍攝火燒戲，劇情講述二人因查案而得罪了兇徒，於是被綁在鐵皮屋內，兇徒更欲放火殺人滅口，幸最終警方趕及營救脫險。
求逼真拒用替身
日前祥仔與可頤已在同一鐵皮屋內又曬又焗足足一日，今次更被火燒，祥仔笑言：「好難撈呀！真係接錯劇，仲以為法證喺寫字樓做吓證物研究o架嘛，點知咁辛苦！」
不過祥仔只是講笑，他當然明白有危險的場口，劇集才會更好睇。
為安全起見，現場有不少滅火用具侍候，且特技組亦在cut機後第一時間將火種熄滅，問到祥仔覺不覺危險？他坦言：「好難講，火嘅嘢冇人知，都係靠估，不過依家啲材料先進咗。（有冇替身？）冇呀！想危險啲嘛！其實只有一個鏡頭有少少危險啫，用替身出嚟效果冇咁好睇。（老婆知拍危險戲？）唔使話畀佢知，都撈咗咁多年，有咩事會同導演講做唔到，或者走先！」
安全措施有信心
另外，性格爽朗的可頤被問到怕不怕萬一有意外會毀容？她直言：「我又唔驚喎，反而覺得刺激，監製安排呢啲場面係想好睇，好似啲人覺得吊威吔辛苦，我就覺得好玩，最緊要拍出嚟好睇，場口好貴o架，我都信啲特技手足嘅安全措施嘅。」
文：影視組 攝：謝國華