過江女神:囡囡有理想嫁畀才俊將福享

今日係國際青年節,以前啲年輕人為咗理想,可以拋頭顱,灑熱血,但今時今日唔少年輕人,就算問佢哋有冇理想,或許都會答冇。而今日要介紹嘅過江女神,嚟自十×桑拿嘅夢杰,佢就話自己有好多理想,等住實現。

撰文:小德 攝影:阿華

校園戀愛

夢杰今年22歲,樣子真係唔似,仲以為佢只得18歲,但佢成熟火辣嘅身材,就已經將年齡嘅秘密徹底公諸於世。講番夢杰嘅理想,原來佢有三個咁多。第一個就係希望自己可以重返校園讀書,所以家陣努力工作,希望賺夠學費,就可以疊埋心水再享受校園生活,問佢點解咁想返回校園?夢杰話:「細個家貧,所以要一邊讀書一邊打工,後嚟仲索性丟低書包專心做嘢,所以冇體驗過校園生活。」

咁重返校園最想做乜呢?夢杰話:「當然係拍拖啦!」乜唔係讀書咩?夢杰話:「書都會讀,但最主要都係享受拍拖嘅樂趣。」咁都得!真係服咗夢杰。至於第二個理想又做乜嘢呢?夢杰話:「我第二個理想,就係可以出一本全裸嘅寫真集。」

全裸寫真

夢杰咁好身材,係咪想進軍模特兒界,定係想拍埋三級片呢?夢杰話:「我冇打算入娛樂圈呀!事關好多人都話好黑暗,而且我又冇後台,做乜嘢都會好蝕底o架!所以拍寫真只為自己,兼且賺啲外快啦!」原來夢杰拍寫真,只想珍惜青春留倩影。

至於夢杰嘅第三個理想,就係要嫁畀一個醫生,點解咁奇怪呢?夢杰話:「我細個成日都病,所以三五七日就會去睇醫生,屋企附近有個醫生對我好好!我哋仲勾過手指尾話等我長大後做佢新娘,點知佢轉頭就同個護士結咗婚,搞到我十分失落,所以下定決心將來一定要嫁個醫生老公!」邊個囡囡唔想嫁專業人士!夢杰遲啲會重返校園讀書增值,再拍埋寫真增加知名度,相信夢想成真嘅日子為期唔遠。

夢杰profile

年齡:22歲

三圍:35-23-34

興趣:實現理想