諸葛拍拖赴美預支蜜月

向來大方公開戀情的Marie，與Neway二少薛嘉麟感情穩定，Marie更多番表示認定男友是未來老公，可謂打風打唔甩！臨近聖誕，平日忙於打理生意的薛嘉麟為陪女友，決定暫時放下工作，與Marie飛到美國半個月，好好享受一個浪漫假期。

盡興半個月

芸芸喜慶節日中，Marie最愛是聖誕節，她表示在街頭看到聖誕燈飾，令她有一種幸福的感覺，提到她將赴美和男友過節，她說：「雖然平時我同男友都成日去旅行，但感覺好唔同，聖誕畀我一個好sweet又溫暖嘅感覺，我哋會去半個月，去好多地方，希望玩得開心啦！（送咩畀男友？）已經準備好禮物，不過我唔想公開講，講咗就冇驚喜喇，（想男友送乜？）佢陪我放假已經係最大嘅禮物啦，我哋仲會喺嗰邊跨年，真係好開心。」

諸葛梓岐與男友薛嘉麟將赴美過聖誕節。（資料圖片）

諸葛梓岐揚言明年不會嫁人，專心做好工作。

有少少恨嫁

曾多次傳出好事近的Marie，表示明年工作已排得密麻麻，所以一定不會在明年結婚，問她會否恨嫁？她笑說：「少少梗會有，話冇係呃你嘅，相信個個女仔都會有，但我唔心急o架，加上明年都已經安排好去日本同台灣工作，所以順其自然啦，最緊要拍拖拍得開開心心。」

文：呂曉風

攝：沈健程

場地：藏

服裝：Twist