Rainbow交棒指導新人

Rainbow（胡心諾）、Lavina（鍾蕙芝）去年夥拍已故藝人陳鴻烈為網絡遊戲《商業大亨》任代言人，日前《商》舉行新一屆代言人比賽，最後十二強已誕生，Rainbow親自監場拍攝宣傳照，幫手揀衫整頭，盡顯師姐風範！眾多參賽者中，她特別睇好Tina及Suki：「我第一眼見Tina就覺得佢對眼好靚，好似攝住人咁，而Suki就好和藹可親，又鍾意講嘢，真係好啱做呢行。」入圍者中有位十五歲有錢女Kaman亦相當突出，其樣貌清純，年紀輕輕鋼琴已達演奏級，她表示今次瞞住父母參賽，不過見她擺甫士似選美多過選GAME模，就連Rainbow都忍不住要不停從旁指導。