陳志雲親近六叔獲六嬸厚待

昨晚是無綫43周年台慶盛會，雖然不少當紅小生及性感花旦在場，但焦點卻落在復職不久的無綫總經理陳志雲身上。昨晚他與無綫主席六叔、副主席方逸華及眾助查藝人同場，因此保安明顯較去年加強不少，眾多傳媒亦遭攔得遠遠。

六嬸拉企中間

昨晚約七時，103歲的六叔及方逸華乘坐七人車到達行政大樓，其後精神奕奕的六叔坐在福祉車上，並由方逸華推出，副行政主席梁乃鵬、集團總經理李寶安及陳志雲三大高層即步出迎接，志雲更彎腰打算解開六叔的腳踏，惜未能成功，要由醫護人員出手。現場記者向六叔祝賀生日快樂，心情大靚的方逸華即答多謝，並示意六叔揮手，問到生日願望，方逸華搶答說：「大家身體健康，今日好開心。」

其後方逸華主動與三大高層合照，此舉十分罕見，她更將起初站在最邊的志雲移到中間，與較他高級的「死敵」李寶安並肩，可見方逸華對志雲超級重視，而梁乃鵬亦「唔執輸」搵志雲合照。其後記者要求方逸華與志雲合照，她即說：「唔畀你哋製造故事呀！」而酒會進行期間，風騷的志雲繼續出擊，手執iPhone上前與六叔玩合照！

至八時多節目準備開始，志雲更親自迎接六叔入場。入廠後，志雲見到李亞男即相擁，但未見其他藝員與他打招呼。而一直有傳樂易玲與志雲不和，但昨晚兩人在沒有記者要求下笑晒又拖手，志雲搭對方膊頭，兩人更孖公仔繞場一周，非常有交流。問到首要任務是否與四大唱片公司談判？志雲說：「做好節目啦！（成日陪住六叔？）台慶嘛！（方小姐好重視你？）佢陪阿Sir（六叔）影相啫！」

左起：方逸華、李寶安、陳志雲和梁乃鵬都是今次電視台風雲的焦點人物。

陳志雲與阿姐、嘟嘟等沒有「衝突」，可以暢所欲言。

黎耀祥有打招呼

至於身為助查藝人之一的黎耀祥表示，不怕與志雲同場：「打個招呼都OK。（驚妨礙司法公正？）呢個場合都唔會講呢啲啦！開心就得！（傳志雲又會辭職？）內情唔知。」

被指為辭職而先復職的志雲，其實早於昨日下午三時四十五分已抵達一廠，拿住Floor Plan的他說：「係嚟睇夜晚影相嘅位。（真係會辭職？）冇睇報紙，要專注工作。（咁即係唔走？）好多謠言，好難逐一回應。（今年分外感觸？）係開心。」

文：影視組