DaDa樂意行性感 堅守三點

陳靜(DaDa)早前到台灣墾丁,拍攝將於本月中推出的個人月曆,靚人靚景更不乏性感造型。DaDa興奮謂最近接下護膚品代言人的工作:「會行清純路線!(抗拒成日要性感?)咁又唔係,我都好開心大家覺得我形象性感,咁我先至有咁多工作同機會。我明白性感係模特兒工作嘅一部分,所以唔會揀job,亦唔會有心理壓力,至緊要係堅守底線,三點不露。」

除廣告外,DaDa的電影發展亦相當順利,最近她分別參與了兩套電影《宅男總動員》和《潮性辦公室》,不過她笑言:「兩套戲嘅角色都幾有發揮,不過我嘅演技麻麻咋,最開心喺《潮》片有機會同詹瑞文合作,慶幸有機會從旁偷吓師。」