徐靜雯力保不墮自摸升Cup
鄭嘉穎緋聞女友徐靜雯昨日以低胸裝力壓同場的Mandy Lieu與傅嘉莉，狂騷深長事業線的她更自摸胸部說近期因按摩豐胸，成功由C級變D級。另外，她表示與鄭嘉穎是普通朋友，言語間更暗示對方不夠大方！
昨日徐靜雯（Jenny）、Mandy Lieu與傅嘉莉以嘉賓身份出席灣仔會展舉行的熒．光學美纖活動，韓君婷則擔任司儀。身穿tube dress的徐靜雯騷出深長事業線，十分養眼，風頭蓋過同場的Mandy Lieu與傅嘉莉。她受訪時透露做豐胸療程令上圍升級，更按着胸部說︰「按摩咗幾日就覺得堅挺咗，依家由33C變33D，雖然我只得23歲，但25歲後就可能會開始下垂，所以我要keep住做豐胸。」
同嘉穎屬普通朋友
徐靜雯坦言近期工作很忙，還患上感冒，問到緋聞男友鄭嘉穎可有關心她？她堅稱對方只是朋友，言語間有所暗示︰「我患感冒，身邊朋友都有問候我，但同佢係普通朋友。（你唔愛佢啦？）我一直都冇愛佢，感覺話我知，做普通朋友好啲。（一開始冇打算發展咩？）身邊有異性朋友都會考慮，但相處一段日子發覺都係做朋友好啲！」記者笑問她是否嫌對方不夠大方？她笑說︰「我唔知！你哋講！（有冇相約食飯？）唔敢！我唔想有太多緋聞。我唔鍾意出街玩，亦唔飲酒，朋友搵我都唔會去！」
Mandy搵男友隨緣
另外，Mandy Lieu表示因在馬來西亞長大，故酷愛運動，問她揀男友是否要sporty？她說：「其實我揀男友冇乜要求，要有feel，好難講要乜類型，總之隨緣。」問到聖誕節會否在港？她說：「我會去哈爾濱做旅遊特輯，我唔知嚟唔嚟得切返香港過聖誕呀！」
文：名人組