黃智雯轉型做八婆
無綫藝員黃智雯向來演的角色都溫婉善良，尤其在劇集《搜下留情》中演「鵪鶉妹」一角更令人留下深刻印象，但她近日作一百八十度轉變，在新劇《決宅男女》中扮演巴渣大肚婆，就算乞人憎到令觀眾討厭都在所不惜，她說：「套劇入面我會成日恰演我大嫂嘅郭羨妮，因為要有『八婆』嘅感覺，我講嘢都要高八度，同埋成日要講幾頁紙鬧人！」
黃智雯可算是近期在電視劇界冒起的新秀，不過演藝學院出身的她演得之餘，亦相當跳得！但由於要專注拍劇，她甚少機會表現其精湛「舞」藝：「我平時都有keep住練舞，因為唔練會生疏，希望遲啲可以跳舞畀觀眾睇，一大班人一齊跳舞真係好開心！」