自爆處冷靜期 周秀娜叫男友送車氹番

潮模周秀娜昨日大騷深長事業線兼長腿，化身性感3D潮模，出席遊戲機PS3的《GT5極速賽車啟動禮》，同場更有新Canon女Melanie Z.及無綫藝人崔建邦新任緋聞女友、有「翻版李嘉欣」之稱的模特兒郭思琳。

娜姐直言早前有意買車，車行經紀更向她作了不少介紹，包括波子等跑車款式，她說︰「其實我鍾意甲蟲同Mini Cooper嗰類，個經紀就介紹我買跑車，我係『跑車女殺手』，試車時爭啲撞，我一路揸個經紀塊面一路青，之後冇再介紹其他車畀我。」

至於為何不叫男友Avis作柴可夫司機？娜姐說：「女仔揸車型啲，同埋呢排冷靜期。（鬧交？）之前係為啲小事有啲拗撬，依家冇事，（係咪感情變急凍期？）依家啱啱做完嘢熱辣辣，或者叫佢送架車氹番我！」

郭思琳嫌崔建邦矮

另外，同場的郭思琳直言自己冇事業線兼和娜姐路線不同，並直認跟崔建邦傳緋聞後有電話聯絡，問到如果對方展開追求會否接受？她說：「唔會，我鍾意高過自己嘅男仔，呢個係最基本條件。當日只係咁啱影到我哋，其實仲有其他人。（怕唐詩詠嬲？）同我冇關係，同崔建邦唔會傾心事，佢會同我分享人生經驗。」自言單身的她續說不擔心自己被誤以為是隨便的女仔。

文：名人組