梁靖琪收兩卡鑽戒出年嫁得
梁靖琪剛自組公司事業有成，感情生活方面更一帆風順。據知，她與拍拖未夠一年的男友Aaron明年結婚，日前更被發現拍拖出巡，大晒恩愛。
無綫藝人梁靖琪（Toby）過往傳過不少緋聞，真命天子卻是來自加拿大、三十一歲的黃敏豪（Aaron），二人拍拖不夠一年便決定明年拉埋天窗，早前Aaron更向Toby送上價值六位數字的兩卡鑽戒以表誠意。
家住曼克頓山豪宅的Aaron，日前被發現與Toby現身銅鑼灣，二人態度親暱，Aaron一直拖實Toby，而Toby為了貼近高大的男友，穿上四吋高靴「搭夠」，讓她可以隨意挽臂枕膊，同行的外籍女友人也表現得「無眼睇」。
三人最後選擇到一間日本餐廳用膳，男方負責點菜，明顯啱晒Toby胃口，令她甜笑回報，雖然是三人行，但這對情侶卻完全沐浴於二人世界之中。
已拍婚紗照
據知，去年曾與薛凱琪傳緋聞的黃敏豪擅長豪宅買賣，眼光獨到曾勁賺千萬元；其父為投資紡織業商人黃振聲，旗下擁十多間公司，其家族擁有十多個物業，保守估計身家高達二億。據知Toby父親梁家樹已答應女兒婚事，Toby亦已拍婚紗照。記者致電Toby恭喜她快將拉埋天窗，她說：「我係拍緊拖，Aaron對我好好，家人都好鍾意佢。（收兩卡鑽戒？）你見到咩？總之結婚我會講，依家唔講咁多嘞。」
文：影視組