過江女神：囡囡時刻備戰 俘虜男人心
好多囡囡都好怕自己嘅男朋友偷偷一腳踏兩船，認為佢哋太花心，唔夠專一，但今日介紹嘅過江女神，竟然認為男朋友身邊愈多女友愈好。係佢諗得開，定係佢精神有問題呢？我哋今日就真係要深入啲訪問吓佢至得嘞。
推卸責任
呢位咁特別嘅囡囡，就係嚟自打×1浴室嘅倫倫，問佢點解會咁睇得開？佢話：「男人嘅嘢，你愈叫佢哋唔好，佢哋愈會去做，就好似我前幾個男朋友，我要佢哋答應我只愛我一個，唔可以再愛其他女仔，個個都誓神劈願，最後咪一樣見異思遷。」
經過多次打擊，倫倫話佢學精咗，反而大方話畀男朋友聽，歡迎佢一腳踏兩船，佢啲男朋友反而唔敢作反，再冇外鶩之心。問佢啲男朋友點解會咁？倫倫話：「你喺男朋友面前愈大方，佢哋就愈唔敢作反，一來你大方代表尊重佢，二來如果佢不忠，佢就冇藉口可以再推卸責任，三來怕我哋會公然報復，出去亂識男仔，最後就係萬一傳出去，佢哋不忠在先，冇晒面子好難同親友交代。」
接受挑戰
雖然好有道理，但呢招以退為進，有冇人唔受呢？倫倫話：「任何辦法都會有漏洞，如果你揀嘅男朋友，連呢招都唔怕，咁仲要佢嚟有乜嘢用，早啲大腳踢佢出大海好過啦！」咁又係！但咁樣做除咗可以防止男朋友花心之外，仲有乜嘢用途呢？
倫倫話：「人唔競爭就冇進步，所以我咁做，即係向所有男朋友身邊嘅女性宣戰，歡迎接受挑戰，男朋友就算唔花心，身邊總有異性朋友，但我都時刻裝備自己，一來令自己更有魅力，二來自己愈嚟愈靚，男朋友嘅視線就永遠唔再離開你，到時就算真係出現第三者，睇嚟我哋嘅感情都幾難畀佢破壞得到。」倫倫講落又真係幾啱聽，因為時刻備戰，正係追求永遠和平嘅硬道理。
倫倫小檔案
年齡：21歲
三圍：35-23-34
興趣：準備作戰
撰文：小德