吳卓羲接棒孭重飛血汗效忠
每年無綫舉行節目巡禮皆是來年小生、花旦備受力捧的指標，但今年似乎出現微妙變化，一股新勢力抬頭，吳卓羲、鄭嘉穎、謝天華、楊怡和鍾嘉欣等親生仔女來年齊齊孭起三劇，吳卓羲立即識做大賣口乖。
「2011無綫節目巡禮」昨晚在將軍澳電視城舉行，無綫出動近百藝員「冧客」包括黎耀祥、陳豪、鄭嘉穎、吳卓羲、陳法拉、楊怡、廖碧兒、李司棋、關菊英等。不過，今年「視后」大熱人馬的佘詩曼和鄧萃雯則有工作而缺席。
各孭三套劇集
每年節目巡禮皆是預覽來年無綫力捧指標，今年憑劇集《巾幗梟雄之義海豪情》大有機會冧莊視帝的黎耀祥只有一套《大太監》；鄧萃雯則幾乎捧蛋，只憑外購劇《新還珠格格》佔一席。相對黎耀祥和鄧萃雯「非嫡系」，來年將是無綫「親生仔女」的天下，預計演出最多劇集的有吳卓羲、鄭嘉穎、謝天華、楊怡和鍾嘉欣，他們每人皆孭起三套劇集，而陳豪和徐子珊則分別有兩劇在身緊隨其後。
祥仔懶理舊帳
吳卓羲接受訪問時被問擔演三劇得到無綫力捧？他說：「係就當然好，我係TVB嫡系，受TVB嘅教育。」問他體內是否流着TVB的血？為表忠誠的吳卓羲更誇口說：「我梗係，流緊TVB嘅血、出緊TVB嘅汗、仲食緊TVB嘅飯。」此外，黎耀祥對於他的情史被翻舊帳，有指前妻生活坎坷，他說：「呢單舊聞嚟，冇乜新意，因為《義海》先畀人攞嚟翻炒，冇嘢要回應。」
採訪：影視組