羅禮賢call定救護車拍爆炸戲
有豐富爆破及特技拍攝經驗的導演羅禮賢指，水車及滅火筒是片場常見的安全設備：「即使有汽油，通常數量好少，水有助降溫，如果個布景係要繼續拍，用粉劑滅火對個景傷害好大。另外我通常會準備藥箱，裏面有基本藥物，例如燙火膏。」他又指拍攝大型特技場面時會預先召喚救護車到場，以防萬一。
Selina拍攝當日穿着旗袍及絲襪等化學纖維衣物，質料特別容易搶火。羅禮賢對此說：「我唔會畀演員走太近爆炸，因為太冒險。替身的話，通常會畀佢着濕咗水嘅純棉衫，算係最安全，濕水冇防火gel咁覺眼。拍爆破戲最緊要炸藥分量、時間掌握、線路準確和充足時間，希望兩位傷者盡快痊愈。有時拍劇好趕而出錯，應該每次爆破都有老師傅陪同徒弟一齊做，但因為賺錢少而且太危險，就算有牌嘅師傅亦會發生意外，所以香港同內地做爆破師傅嘅人愈來愈少。」