黃長發對號入座唔怪發相人

黃長發因早前網上有多張被指是疑似他的情慾床照，而再度成為新聞人物。前晚ESPIRIT旗艦店開幕，黃長發原本不在嘉賓之列，但突然以模特兒經理人身份現身，盡蓋謝婷婷與男友安志杰風頭。

對於網上床照，黃長發表示：「唔明點解咁寫，但過咗去就唔諗喇。（相中人係唔係你？）我已經唔係圈中人，因為對呢行失望，呢啲係我嘅事，唔需要同你哋講、唔答，只希望唔好影響哥哥嘅工作，我冇遺失電話，（黃長興認咗有兩張大頭相係你嚟喎？）阿哥還阿哥嘅回應，我嘅事唔關佢嘅事，我會自己答，唔使透過佢去答。」

冇畀人勒索

雖然黃長發口口聲聲話「唔答」，但又指自己不會追究誰發放相片，亦不會怪責對方，似暗認相中人是自己。記者再追問他何解咁迴避，何不直接否認？他表示：「係同唔係都唔會講！」有傳還有其他片段未曝光，黃長發激動表示：「有咪攞出嚟，唔會影響到我，（有冇人勒索你？）冇。」

早前黃長發舊愛Karen接受訪問，大爆黃長發喜歡在不同地方做愛？黃長發對此表示：「呢啲係以前嘅事，將來嘅女友唔會係Karen，（會唔會叫佢收口？）唔需要，人哋講咩，會尊重番佢，依家同佢冇聯絡。」

另外，黃長發昨出席另一個活動，表示與陳志雲並不熟落，但跟錢國偉較熟，因錢國偉有份選他做港男，並希望他能過到這一關，自己會支持對方。

文：影視組