安祖蓮娜處女執導被批挑動戰爭

正於匈牙利布達佩斯拍攝新片的安祖蓮娜祖莉，早前已因劇本中篤信伊斯蘭教的波斯尼亞裔女主角受盡塞爾維亞裔士兵侵犯及虐待而引起當地婦女組織不滿，當地文化部亦禁止劇組入內取景！

其後禁令雖已解封，不過當地傳媒透露該劇結局是女主角受盡欺凌後，慘死於塞爾維亞裔士兵手上！報道一出，隨即惹來不少非議，有戰爭受害者指：「我唔明白點解有關當局批准佢嚟我哋國家拍戲！我唔想見到戲中女主角受虐嘅情節！」而一名官員透露：「安祖蓮娜知唔知自己隨時引起戰爭？仲要只係為咗佢一部戲！」

做埃及妖后效果正

雖然安祖蓮娜執導之路非常崎嶇，可是其演藝事業可謂一帆風順！早前她轉戲路與尊尼特普拍新片《The Tourist》，現在又被大名導占士金馬倫睇中，正洽商參演占士新片、3D版的《埃及妖后》！占士在訪問時大讚安祖蓮娜：「我唔介意人哋對安祖蓮娜有咩評價，我只覺得搵安祖蓮娜拍《埃及妖后》，個效果一定好正！」而占士金馬倫前日出席《阿凡達》藍光碟發行活動時表示，暫時未有計劃拍攝《阿凡達》續集。

文：外娛組