自「搶咪事件」後事業一落千丈的Kanye West，前日上名嘴艾倫迪珍妮絲節目時大騷鑲金鑽的假牙:「我覺得鑲咗排假牙好型，我覺得好多人會期待造型爆啲！」又大講一年來的經歷:「發生呢件事後，我立即離開美國去日本避世，之後去咗意大利做學徒，搬返美國之後住喺夏威夷專心做音樂。」
Kanye出席其執導新片《Runaway》首映時，表示自己曾有想過自殺：「我有諗過尋死，不過最後想對流行文化作出貢獻，所以最後冇死。」他又指下月推出的新唱片《My Beautiful Dark Twisted Fantasy》會有五個不同封面。