模界大恐慌 JC預咗當災：我「範圍」太大
模特兒不時要以性感造型行騷示人，極易成為「胸徒」目標。以警鐘胸聞名的混血名模Jessica C.（JC）昨接受電話訪問時表示很同情郭晶晶：「咁做真係好傷害佢，好唔尊重國寶。始終係防不勝防，我預咗成為下一個目標，因為我『範圍』太大，行騷時如果畏首畏尾，反而影響自己專業表現。以後會叫助手幫眼，睇有冇可疑人士拎住呢啲器材，仲會問吓有冇神奇物料可以阻擋紅外線。」名模Ana R.則說以往行騷為求不破壞服裝的美感，有時會不用乳貼真空上陣，但現在會考慮改掉這習慣。
名模楊崢昨晚出席《油脂》音樂劇首映禮時說：「郭晶晶係專業運動員，唔應該做呢啲嘢令佢分心，希望警方徹查，有關方面要正視，以前我聽過呢種技術，估唔到啲人咁明目張膽擺上網，真係要拉佢哋坐監！」同場的陽光妹何思諺無奈表示不懂如何防範，更反問：「乳貼係咪可防透視？」
