女星群插：好變態！

跳水王后郭晶晶被紅外線鏡頭偷拍片段在網絡上瘋傳，引起藝人關注，特別是經常要性感出席活動的女星，更齊齊鬧爆偷拍者不尊重女性，可恥又變態！

陳敏之昨為契姐伍詠薇任瘦身產品擔任代言人時，兩人對於郭晶晶被偷拍事件表示：「科技真係好進步，但絕對唔可以濫用，一定要打擊呢樣嘢，唔可以容忍咁樣侵犯女性！」而伍姑娘除即場為敏之小腿敷mask，更承諾一世供貨以報答敏之。

「浸大Ｅ神」楊梓瑤昨接受電話訪問時怒斥：睇到啲相真係好震驚，估唔到啲人變態成咁！資訊愈發達，人類嘅思想行為反而變晒質？我知網上有好多呢啲不良資訊，希望政府多加監管，呢位不法之徒行為可恥，好唔尊重女性。都會擔心行泳衣騷會成為下個目標，呢啲科技日新月異，根本控制唔到，惟有貼多兩個乳貼保護自己。

歌手吳雨霏昨日出席慈善跑樓梯大賽時直斥郭晶晶被偷拍事件十分離譜：「係嚴重罪行！同性騷擾冇分別，對女仔冇保障，啲人冇道德心，放上網同人分享都係唔啱。」頒獎時，一名外籍得獎者興奮得啜她面珠一啖，嚇得她大叫，事後她笑言是正常反應。

陳茵媺：就連普通市民都覺得驚，咁做係侵犯私隱，作為藝人梗係唔想呢樣嘢出現，（點睇有龍友專影胸？）我唔會睇，亦都希望佢哋睇演員係睇演技。

梁政珏：好耐以前聽過有呢樣嘢，嗰個係咪真係郭晶晶定係電腦造嘅效果？其實做藝人都驚唔嚟，如果有人有心做，點避都會影到。（用讀心術分辨？）咁又唔會。