黃夏蕙昨日出席舞台劇宣傳活動，首次演出的夏蕙姨大為緊張，並透露因早前忙於開騷及參加「愉美人」選舉，故現時尚未開始綵排：「愉美人選舉係畀45至100歲嘅人參加，我仲拎咗四個獎分別係大獎、才藝、勇氣同智慧！（才藝表演咩？）我同參加過《殘酷一叮》嗰個阿揚（關浩揚，有「拉丁霍啟剛之稱」）合作跳舞，置裝都用咗十幾萬。」
