JC賣肉賺錢畀男友使
甜心模特兒Jessica C.昨日換上多套噴血內衣行騷，將警鐘胸谷成Y形，加上有部分bra不合身出現離罩場面，效果令人噴血。對於有指JC賺錢給男友，她承認與男友無分你我，有錢兩份使。
混血名模JC昨日與三名外籍女模特兒在銅鑼灣行內衣騷，於半小時內展示多套性感內衣，令現場春色無邊。JC大騷33C警鐘胸及小蠻腰，但有部分bra似乎不太合身，一度離罩，名副其實呼之「肉」出。JC事後表示不擔心走光，因出場時已在鏡前檢查妥當。
最愛豹紋凸顯野性
JC在台上表示內衣對女性十分重要，因可令身體線條更美觀，而她最愛的內衣款式是豹紋，因本身性格較為野性。問到已成為一線模特兒的她，為何仍願意行內衣騷？JC說：「我剛剛出道時幫呢個品牌行過騷，令我喺香港好多人識，令我夢想成真。（行騷有冇尷尬？）冇！我好有自信，係好好嘅機會騷我嘅body。（點keep fit？）飲食均衡，多啲做gym，我前一晚都唔敢食得太飽。」
JC自爆事前已向男友Sergio備案，但不准他到場。她謂：「佢喺度我會怕醜，我好介意佢點諗。」對於被指「養男友」，JC承認與男友不分你我，會給錢對方使用：「佢有做嘢，相信佢一定肯養我，佢又會買啲冧嘢氹我。其實我多數錢都係畀媽咪用囉。」
除了行騷外，JC揚言可接受穿內衣拍戲，只要劇情合理：「我上一部戲都着比堅尼啦！如果係有原因嘅都可以接受。」
下月到荷里活試鏡
她又透露下月將到美國為一部荷里活電影試鏡，希望可為港爭光：「我會努力，演喜劇同動作片都OK。（視Maggie Q為目標？）唔算係，我有自己style。」提到Rosemary已回港，JC表示與她不相熟，但會祝福她。
文：影視組