李妮：有人話唔鍾意我
去年底重組的亞姐「仁美清敍」（簡稱「仁美」）最近鬧出內訌事件，秘書長李妮被「告知」有人不喜歡她，叫她不用開會，又被迫交支票簿，事件涉及會長黎燕珊和主席羅霖。早前已傳出黎燕珊備受諸般批評，包括遲到早退和太着重自己等，也有不少會員抱怨很多事，包括暫停顏子菲職務、捐贈善款等事件，未經會員表決已按程序執行。
最近「仁美」開例會，李妮接到電話指有人不喜歡她，着她不用去開會，並逼她交出「仁美」的支票簿。有會員為李妮不值，向本報投訴，她更指出「仁美」一項奇怪處，該會一名顧問原來是與黎燕珊相熟的記者，認為會中許多機密始終不便讓傳媒知道。
凡事應投票
李妮接受本報訪問：「當時聽到有人話唔鍾意我，自己都好愕然，我本着個心出一分力去做慈善（係咪好HURT？）有人話唔鍾意我，控制唔到，我只係用心為會工作，用咁嘅理由好奇怪。（聽講係因你意見多多？）我個人係有乜意見都照直講，因為個會係政府註冊慈善團體，要秉承公平、公正、公開原則，好似善款用途都應該開會投票通過（被人逼交支票簿？）我覺得支票簿放喺秘書處係無問題，又唔係畀我個人使用（邊個逼你交？）呢個問題我可唔可以唔答。」
會務需調整
秘書何美美表示：「好多人都知道件事，但無人講原因，我覺得好唔公平。（係咪有好多會員不滿會務？）係要調整下，但我唔想講咁多。（顏子菲停職事後先知？）我唔喺香港，開會先知有幾個會員都唔知停職件事。（係咪奇怪有記者做顧問？）個個好奇怪。」筱靖亦表示知道此事，身為大會公關想做和事老，並感謝李妮出錢出力兼盡心盡力為個會。
至於牽涉事件的黎燕珊接到查詢時表現慌張，表示要了解下，暫不作評論，並說可能有人誤會，大家都只係為搞好個會。據悉事件有另外說法，會方已將資料交給律師處理，稍後會開記者會交代事件。
文：名人組