星爺斟掂張曼玉大話西遊
周星馳95年主演《西遊記》系列電影叫好叫座，一句「愛你一萬年」更成為經典對白，兩年前有傳星爺會再拍西遊記題材電影，可惜，一直只聞樓梯響。
直至近期，身為比高集團執行董事的星爺終於拍板，開拍《新大話西遊》，電影由比高集團投資，明年二月開鏡，星爺會否演出，暫時未有定案，不過，據知他極之重視此片，不斷為新戲物色大卡士演員，八月間星爺更親赴北京，力邀國際影后級人馬張曼玉（Maggie）擔演王母娘娘一角，因星爺極有誠意，再加上Maggie亦想拍喜劇，所以，演出機會甚高。除了《新》片外，星爺席間還談到會為Maggie度身訂造一套女人戲，發揮空間甚大，讓Maggie可過足戲癮。
積登變身小悟空
除了親自出馬邀請Maggie外，星爺還打出友情牌力邀韋史密夫參演，據知07年韋史密夫來港宣傳《魔間傳奇》時，星爺曾與他見面，當時已提過拍西遊記的計劃。至08年，星爺到美國接洽《青蜂俠》時再約晤韋史密夫，並再次邀請他與兒子積登父子檔客串，有意將積登打造成小孫悟空，至於何解老孫會變成外籍人士，皆因星爺構思七十二位演員同演孫悟空一角，老孫能作七十二變，可以變男變女、變老變小朋友甚至外國人，認真噱頭十足！
《新大話西遊》由郭子健執導，為了開拍該片，星爺不惜把《喜劇之王2》押後，記者致電郭子健問及Maggie、韋史密夫是否會演出《新大話西遊》？他大賣關子說：「呢啲咁大卡士，係周生（指周星馳）出面搞，我都係等佢通知，不過我初步擬定嘅演員名單，係有荷里活巨星同一啲大卡士演員嘅。」
文：影視組