嘉玲晒腿衩住福娃冰冰

入圍今屆威尼斯影展競賽項目的英皇發行電影《狄仁傑之通天帝國》，繼前日於當地舉行記者會後，嘉玲、冰冰、徐克等晚上則盛裝現身首映禮，兩位候選影后均悉心打扮，嘉玲以藍色大露背高衩晚裝、戴Bvlgari鑽戒踏上紅地氈，邊行邊露修長美腿，心情靚絕的她，還應媒體要求大擺露背甫士，名副其實來個「影后」熱身。

睇好陳英雄

冰冰則穿上富中國色彩的Tube Dress上陣，特別之處乃裙身繡上的「福」字動用了百位名書法家題字，雖然如此，相比於嘉玲的性感，冰冰似乎有點遜色，同場還有以綠色透視Tube Dress打扮的吳佩慈登場，就連徐克的「粉絲」昆頓塔倫天奴也特別前來捧場，場面熱鬧。

據知嘉玲今次赴水都競逐影后，吸引不少品牌「主動獻身」贊助，為配合片中「武則天」一角，嘉玲將於該片派對準備了一套鮮紅色晚裝。嘉玲接受媒體訪問時透露，在當地只逗留兩天，故行程緊密，對於該片成為影展焦點所在，嘉玲笑謂：「唔係，係導演徐克就真，咁焦點喺演員身上都好，因為大家辛苦咁耐，可以將更多中國文化令觀眾識，我知道好朋友陳英雄嘅戲有份入圍，都想捧佢場，因為我好鍾意村上春樹。（你哋係敵人喎！）咁我都睇好對方，不過呢套戲係文藝片，我哋就有聲勢囉！」對於有國際權威雜誌評該片達7.6分，嘉玲表示對獎項平常心，不會想太多。

床戲夠香艷

據欣賞該片的媒體表示，《狄》片商業味道濃，儼如港版祖狄羅的《神探福爾摩斯》，李冰冰戲份由頭帶到尾，角色懂易容術，相信演繹時亦難以揣摩，除了打戲連場外，冰冰還有與男主角露半個背脊上演床戰，香艷非常，不過冰冰最後也逃離不到一個「情」字，被愛人刺傷，最後死在飾演武則天的嘉玲懷中。大部分媒體均大讚冰冰演技不俗，故絕對有機會繼10年前提名水都影后後，今年一嘗當威尼斯影后滋味。此外，內地導演王兵執導的電影《il fossato》亦趕及尾班車爭奪影展金獅獎。

文：影視組