靚靚Chilam三千呎豪宅迎新B

已育有一名四歲囝囝「魔童」的袁詠儀（靚靚），一直想在40歲前再生第二胎，甚至停工努力造人。身為老公的張智霖亦為老婆大肚做足準備，最近秘密搬往淺水灣新居，由月租六萬元大潭道曼克頓花園千七呎屋，升級現居十五萬租三千多呎地方，前日兩人更甜蜜遊車河。至於靚靚好友邱淑貞上月尾誕下一名女兒，成為三女之母，而張衞健太太張茜傳出已懷有三個月身孕，圈中喜事重重。

張智霖、袁詠儀

剛度過39歲生日的袁詠儀，恨有第二胎恨到出晒面，為了全力造人，她更不惜暫停工作，養肥自己等生仔。而「愛妻號」張智霖（Chilam）亦為家中隨時會添新成員做足準備，早前不停帶着太太在港島區物色豪宅新居，曾有人目睹他們頻頻到淺水灣一帶睇樓，並指定要看三千多呎單位，另外，本報記者日前亦見過Chilam與靚靚孖住沈嘉偉等人到元朗葡萄園及上水雙魚河天巒睇樓。

環境清幽低密度

據知月前Chilam終於扑錘租下位於淺水灣道豪宅，由於四周環境清幽，該幢大廈屬低密度僅得十多層，每個單位平均有逾三千呎，完全符合二人要求，正所謂千金難遇心頭好，況且新居面積足足比舊居大潭曼克頓花園大足一倍，即使每月租金高達十五萬元，他們最後亦決定租下。連日來發現Chilam駕駛其價值百多萬平治Ｃ63平治跑車出入該大廈，而之前他送給靚靚平日代步的七人車，也見到停泊在屋苑停車場內。

靚靚與Chilam進駐三千呎安樂窩，為生BB做好準備。

靚靚、Chilam兩公婆甜蜜遊車河，十分恩愛。

靚靚的七人車亦見停泊在屋苑內。

（左）好嘢，得咗！（設計對白）
（右）生女就Perfect！（設計對白）

舊居路窄唔方便

前日約下午二時許，Chilam駕車載着靚靚離開淺水灣道新居往遊車河，期間先到附近油站入油，記者上前問Chilam是否搬了新屋，他亦喜孜孜說：「係呀，都住咗一段時間。」至於問到是為咗迎接新生命？他推說以前住大潭太遠喇！新居出入比較近方便。而坐在旁邊的靚靚全程聽着老公說話，臉露甜絲絲笑容。之後Chilam還開玩笑說：「同埋嗰邊（大潭）啲路窄啲，危險啲，我手車唔好嘛！（你手車唔好？）我都冇郭富城咁好。」二人心情如此開心愉快，相信很快就有喜訊傳出。