呂慧儀開中門逼咪神讓位

一眾無綫花旦、o靚模於欣賞「港男」盛事前,率先於「星光大道」爭妍鬥麗一番,論性感程度,無綫花旦尚勝一籌。高海寧、徐淑敏等均性感上陣,後者更連墊兩個胸墊谷胸,不過亦不敵以紅色超Deep V、並配上Arte鑽飾的呂慧儀,就連緊接現身的伍詠薇,也忍不住上前扮除衫,並向她大叫「豈有此理」,兩女還玩撞胸。

對於成為全場焦點,呂慧儀笑謂:「我用針線縫住啲皮,頭先着條裙都成個鐘,唔會走光。(港男個個條泳褲咁薄,會唔會係考佢哋定力?)應該唔會,佢哋好有風度,應該OK。」

伍詠薇不收斂

眼見呂慧儀大搶風頭,身為「咪神」的徐淑敏也表示要讓位,而伍姑娘對於被取笑衣着「輸晒」竟得戚地說:「你點知啫!我有秘密武器,人婦嚟講已經贏,未必輸晒,各有各靚,如果有呂慧儀咁嘅身材都會咁。(今年港男唔畀摸?)我都唔會收斂,自己情緒下做自己嘢,唔需要道具,之前氧氣罩已經好經典。」

至於Jessica C.事前曾告訴男友出席昨晚賽事,沒料對方黑面,預料對方會於電視前瞄實,所以會謹慎點。