李詩韻喊住做老闆

榮升老闆的李詩韻，昨日為美容學校新舖開張剪綵，而圈中好友鄭嘉穎、鍾嘉欣、馬國明、楊思琦、黎諾懿及胡定欣等齊齊到賀，緋聞男女馬國明、胡定欣即成焦點，當記者要求合照時，兩人表現避忌更堅拒合照，要勞煩李詩韻及其他藝人上前與他們合照，為二人解圍，馬國明、胡定欣在事後同聲否認尷尬。

否認尷尬

馬國明表示：「我知佢（定欣）喺度，冇乜嘢尷尬，人哋舖頭開張，唔想搶風頭，如果係避忌就唔嚟啦！只係覺無謂刻意合照啫。」而胡定欣表示大家開開心心到場支持詩韻，所以對方才是主角。

馬國明（右二）跟胡定欣（左二）在眾人相隔下終於來一幀合照。

鍾嘉欣（左）跟陳自瑤齊賀好友開張。

舊愛缺席

李詩韻對好友到場支持表現感動，問到有否邀請前男友鄧健泓到場？她說：「有，不過佢要宣傳唱片嚟唔到，所以好可惜，因為今日對自己嚟講好重要，希望佢張唱片可以大賣。（有冇打電話問對方做生意意見？）有，前兩日因為開舖壓力太大忍唔住喊，打過電話畀佢，佢有開解我。」榮升老闆的李詩韻不會減少幕前演出。至於鍾嘉欣與唱片公司合約剛滿一事，她表示正在斟新約，相信續約機會頗大。

文：影視組