楊婉儀全家總動員氹細路
現經營幼稚園的前港姐楊婉儀（Winnie），昨日與王賢誌（Vinci）旗下三皇集團合辦「Golden Gate X 3 Kings Summer Funfair」，邀請一眾家長和小朋友來學校玩遊戲、上興趣班，Vinci更攜同健康食品吉祥物到場，氹得一班小朋友好開心。
Vinci指Winnie全家總動員，大讚對方子女乖巧：「兩個小朋友都幫手執嘢、準備地方，Winnie仲自己掃埋地，真係親力親為。」Winnie則謂身負「重大責任」：「我負責講古仔，仲會train啲家長點講，由啲仔女一出世就每晚都坐喺床上面講一個故事，但依家佢哋輪住講番畀我聽，食晚飯就分享自己嘅嘢。」對於今屆港姐穿泳裝不慎露毛，她說：「年年都有，冇法啦，着泳衣係為游水，但影相就要小心啲。」
王賢誌想合作出故事書
自言有份參與吉祥物設計的Vinci，笑指考慮跟Winnie合作出故事書。提到傢俬家品連鎖店德爾斯傳結業，曾為品牌拍廣告的Vinci說：「之前幫品牌拍廣告，可能形象太深刻，大家都以為係我嘅生意，但真係唔關我事，好耐冇接觸呢間公司，所以事情係點唔知道。」
文：影視組