袁詠儀一家三口提前做節

與李嘉欣同樣是港姐冠軍、一直恨40歲前再生第二胎的袁詠儀（靚靚），前晚與老公張智霖（Chilam）及囝囝魔童，到銅鑼灣一間海鮮酒家提早慶祝中秋節。至晚上9時45分，靚靚抱住囝囝先行步出，甫見記者拍照，為免囝囝被攝入鏡頭，靚靚即示意他伏低，而魔童亦乖乖伏在媽咪的膊頭。隨後Chilam與同行親友邊行邊聊天，期間靚靚笑笑口向記者揮手道別，好奇的魔童又突然抬起頭，眼仔碌碌偷望記者，但靚靚見狀亦即時把他低，場面有趣，之後Chilam駕其過百萬元的平治C63型號跑車載妻兒返歸。